泰式椒麻雞 - Sous Vide

材料:

去骨肉雞腿   2片

醃料:

蒜末   1湯匙

辣椒末   1茶匙

花椒粒   1茶匙

糖   1湯匙

香油   1茶匙

魚露   1湯匙

米酒   2湯匙

高湯   50cc

泰式椒麻醬:

蒜末   1湯匙

辣椒末   1湯匙

糖   1茶匙

魚露   1茶匙

檸檬汁   2湯匙


做法:

1. 雞腿放入不鏽鋼調理盒，用醃料醃10分鐘。

2. 用62C慢煮60分鐘，取出煮好的雞腿，擦乾表皮面，小火煎脆，約3分鐘。

3. 調製泰式椒麻醬，拌勻。

4. 雞腿盛盤，淋上泰式椒麻醬及香菜末即可

川貝陳皮冰糖燉檸檬 - Sous Vide

材料:

檸檬   500g

冰糖   500g

川貝   12g

陳皮   18g


做法:

1. 檸檬去頭去尾部分切粒，把籽全部挑出來， 挑得不乾淨的話 會苦

2. 將所有材料放入Mason Jar, 蓋好蓋85C慢煮33小時

TIPS:

1. 之前用冰糖，第二次用原粒蔗糖發現做出來的效果更好，有少少蜜味

2. 基本上24個鐘頭已經ok，但係我手痕燉多9粒鐘, 結果效果更濃更好味

脆皮乳鴿 - 光波爐

材料:

急凍乳鴿   1隻

醃料:

薑汁   1荼匙

油   1湯匙

麻油   小許

鎮江醋   1荼匙

黃糖   1湯匙

紹興酒   1湯匙

老抽   1湯匙

生抽   1湯匙


做法:

1. 急凍乳鴿放室溫解凍,

2. 將全部醃料拌勻後,均勻地搽在乳鴿表面,將醃料及乳鴿放於保鮮袋內包好,放雪櫃醃一晚.(*不時將保鮮袋反轉擺放,可使醃料更加均勻)

3. 將乳鴿用繩屌起風乾約2-3小時

4. 乳鴿(肚向上)配用底架放入光波爐內,以220度火烤13分鐘,之後將乳鴿反轉再以220度火烤7分鐘即可享用.

檸檬海綿蛋糕 - 光波爐

https://www.youtube.com/watch?v=1CsHgX7Vbuw

慢煮斧頭牛扒伴紅酒汁 - Sous Vide

材料:

斧頭牛扒   1塊

乾蔥   2粒 (切碎)

紅酒   250ml

牛清湯   150ml

牛油   12g

鹽   適量

黑胡椒   適量


做法:

1. 先將斧頭牛扒用58C慢煮3.5-4小時.

2. 慢煮完後, 印乾牛扒兩面, 大火每面煎1分鐘, 再讓牛扒休息5-10分鐘

3. 用橄欖油爆香乾蔥, 加入紅酒煮15分鐘, 之後加入牛清湯, 鹽, 黑胡椒煮15分鐘至醬汁濃稠後關火, 加入牛油拌勻即成.

八寶冬瓜盅 - 亞爺廚房

材料:

豬骨   適量

雞   1隻

蝦米   80g

冬瓜   1個 (約7-8斤)

珧柱   4-5粒 (浸軟, 撕成絲)

冬菇   7-8粒 (浸軟, 切粒)

火腿   20-30g (切粒)

瘦肉   80-100g (切粒)

蝦肉   80-100g (切粒)

火鴨   1/4隻 (切粒)

花蟹   1~2隻 (蒸熟，放涼，拆殼起肉)

夜香花   適量


做法:

1. 豬骨、雞、蝦米下沸水中，以中大火煲約2小時成湯底。

2. 冬瓜刮瓤去籽，如想更美觀可用小刀將冬瓜邊切成鋸齒狀、瓜身雕上圖案。

3. 刮出瓜肉，注意底部需保留2至3吋厚的瓜肉。

4. 把冬瓜底部切平後，坐在一個大湯碗上，用毛巾固定位置。把大湯碗連冬瓜放入大鍋內。開火把水煮沸，燉約30分鐘。

5. 珧柱浸軟後撕成絲。冬菇、火腿、瘦肉、蝦肉切粒，火鴨起肉切粒。花蟹蒸熟，放涼後拆殼起肉。

6. 把以上材料放入冬瓜盅內，注入湯底至八成滿，燉約2小時，視乎冬瓜大小厚薄而異。

7 .取出冬瓜盅，把夜香花撒面即成。

黃沙蜆蒸水蛋 - 亞爺廚房

材料:

黃沙蜆   適量 (先吐沙)

雞蛋   2-3隻 (按個人喜愛)

調味:

生抽   1湯匙

熟油   1湯匙


做法:

1. 黃沙蜆洗淨，用攝氏約60度溫水浸泡，令其吐沙。坊間所說的加螺絲浸水吐沙是適用於螺而不是蜆。

2. 擘開蜆殼，取出蜆肉，放入雞蛋中拌勻，加入清水拌勻成蛋漿。

3.把蛋漿倒進碟內，可用廚房紙吸走表面泡沫，或把蛋漿過篩後才倒進碟中。

4.用耐熱保鮮紙把碟面封好，隔水合蓋蒸約13至15分鐘，視乎盛器的厚薄及質料。

5.取出，撒上蔥粒，淋上熟油、生抽即成。

TIPS:

1. 蛋漿與清水比例約1比1.5。

椒鹽鮮魷 - 亞爺廚房

材料:

魷魚   2-3隻

醃料:

豆瓣醬   1-1.5茶匙

生粉   適量

自製椒鹽:

白胡椒粉   1茶匙

五香粉   1茶匙

幼鹽   1茶匙


做法:

1. 魷魚洗淨，去皮，劏開去骨，斜刀輕劃交叉花紋，切件。

2. 魷魚用毛巾捲好，放置約20分鐘，吸乾水分。

3. 取出魷魚，下豆瓣醬拌勻，醃約15分鐘，撲上生粉，下油鍋炸至金黃色，盛起隔油，備用。

4. 胡椒粉、五香粉、幼鹽混合成椒鹽。

5. 起鍋下魷魚、椒鹽兜炒匀，即可上碟。

TIPS:

1. 用毛巾吸走魷魚多餘水分，可保持魷魚的軟滑口感。

2. 用毛巾吸走魷魚多餘水分，可保持魷魚的軟滑口感

阿爺生炒骨 - 亞爺廚房

材料:

一字排   1-1.5斤 (約600-900g)(洗淨, 切件)

青紅椒   各1/2個 (洗淨, 切件)

新鮮菠蘿   160g

粉漿:

生粉   適量

水   適量

醬汁:

酸梅   2小粒

蕃茄   75克

茄汁   3湯匙

青檸   1/2個

芽糖   120-150克

鹽   適量

清水   適量

生粉水   適量


做法:

1. 一字排洗淨切件。把生粉及清水調和成粉漿。

2. 排骨上粉漿後，再撲上一層生粉。

3. 滾油炸排骨，後轉中火把排骨炸至金黃色，撈起隔油備用。

4. 將熱油倒出，原鑊加入清水及麥芽糖，把麥芽糖稍為煮稀。加入酸梅蓉、番茄及茄汁，煮滾成醬汁（可加生粉水調節稠度）。

5. 放入排骨、青紅椒炒勻，務求汁醬均匀地包封每件排骨。

6. 加入菠蘿、青檸檬汁及鹽快炒，兜勻後即成。

陳皮鹹魚煎肉餅 - 亞爺廚房

材料:

陳皮   適量 (浸軟)

豬肉   300g

鹹魚   45g

調味:

糖   2茶匙

鹽   1茶匙

生抽   1/2茶匙

生粉   2茶匙

水   1湯匙


做法:

1. 陳皮切蓉。豬肉剁碎。鹹魚蒸熟後去皮壓蓉。

2. 豬肉和陳皮先下1湯匙水拌勻，下油拌勻，再下糖及生粉拌勻；下鹽及生抽調味，最後加入鹹魚蓉拌勻。

3. 將肉餅料搓成球狀。

4. 起油鑊，放入肉餅球，以中火邊煎邊壓成肉餅，煎至兩面金黃即成。

陳皮煎雞 - 亞爺廚房

材料:

雞肉   適量 (去骨去肥，切片)

陳皮   適量 (浸軟，刮瓤)

調味:

鹽   1茶匙


做法:

1. 陳皮切蓉或打粉。雞肉去骨去肥，切花後切成雞片。

2. 碟上鋪上陳皮，放上雞片，再放上陳皮，撒少許鹽，醃至少4至5小時，如能醃過夜效果更佳。

3. 拍走雞面多餘陳皮。

4. 起油鑊，收中慢火，先以半煎炸方式煎香雞皮一面，再反轉煎另一面至金黃，倒去多餘油份，把雞煎至香脆即成。


TIPS:

1. 雞肉切花，使陳皮香味更易滲透入雞肉之內。

橙皮甜麵醬燜五花腩 - 亞爺廚房

材料:

五花腩   300g (切片2分厚)

橙皮   2-3塊約30g (去瓤，表面輕刮，洗淨，切條，汆水)

調味:

黑醬油   1茶匙

麵豉醬   80g

五花腩醃料:

糖   少許

生粉   1茶匙

水   3-4湯匙

蒜蓉   10g

薑蓉   5g

生油   少許

生抽   1湯匙


做法:

1. 五花腩切片 (約二分厚)。

2. 橙皮去囊，用小刀輕刮表面。橙皮洗淨，切條，汆水備用。

3. 五花腩下糖、生油、生粉、蒜蓉、薑蓉、生抽拌勻。

4. 燒熱砂鍋，下五花腩爆香，注入清水，炒至6至7成熟；加入麵豉醬、橙皮炒勻，合蓋燜煮約3至4分鐘。

5 .拌入黑醬油調色，收慢火，合蓋燜煮至少4分鐘，入色入味即成。

TIPS:

1. 刮走橙皮青，保留橙皮香，並減少苦澀味。

湯鮑變溏心鮑 - 亞爺廚房

材料:

珧柱   少許

排骨   300g

老雞   1隻

燒鴨   1/4隻

燒豬骨   1條

金華火腿   50g

湯鮑魚   4隻

麥芽糖   300g

熱水   5杯

調味:

蠔油   2湯匙

滴珠油   適量


做法:

1. 用熱水拌溶麥芽糖，放入湯鮑魚，用耐熱保鮮紙封口，燉2至3小時。

2. 珧柱、排骨、老雞、燒鴨、燒豬骨、火腿放入沸水中，煲2小時成湯底，隔渣備用。而排骨可先用刀背把骨分為2段可令骨髓煲出味道更佳。

3. 砂煲放入竹蒸架及竹撻墊底，放入燉好的湯鮑。

4. 倒入湯底至蓋過鮑魚面，再加約50毫升麥芽糖水，以慢火煲煮。

5. 煮沸後關火，焗至冷卻。重複此步驟2次。

6. 加入蠔油及滴珠油調味調色，鮑魚煮沸後關火焗至冷卻。重複此步驟2至3次。

7. 鮑魚上碟，餘下湯汁埋芡，淋上鮑魚面即成。

TIPS:

1. 用麥芽糖水燉湯鮑，可減少湯鮑鹹味。

椰汁燉嫩雞 - 亞爺廚房

材料:

雞   1隻

椰青   2個

香茅   1條

椰漿   130g


做法:

1.雞肉連皮起肉切片，備用。

2.開椰青，倒出椰青水及挖出椰青肉，椰青殼留用。

3.切去香茅綠色部份，將白色部份留起，並以斜刀切片。

4.椰青水倒入鍋內，加入椰子肉及香茅，煲至滾起，放入雞肉。

5.水滾後轉慢火，合蓋煮約20分鐘，加入椰漿調匀，熄火，焗約10分鐘。

6.將鍋內的湯、雞肉及椰青肉倒回椰青殼內，燉約1小時30分鐘即成。

TIPS:

1. 椰漿不宜滾起，放入椰青燉雞肉更入味。

紅燒乳鴿 - 亞爺廚房

材料:

乳鴿   2隻

醃料:

薑蓉   25g

蔥粒   20g

蒜蓉   40g

紅蔥頭粒   40g

胡椒粉   5g

五香粉   3g

玫瑰露   12g

粗鹽   30g

油   2湯匙


做法:

1. 將紅蔥頭、薑蔥、蒜蓉、五香粉、胡椒粉、玫瑰露、粗鹽及油拌勻後，塗勻乳鴿鴿身內外，醃大概20至25分鐘。

2. 清除黏在鴿身上的醃料。吊起風乾約45至60分鐘後置碟，待蒸。

3. 水滾後蒸約4分鐘揭蓋疏氣，再合蓋蒸約15分鐘，全程蒸約18至19分鐘。

4. 關火焗約10分鐘，再吊起風乾約60分鐘。

5. 熱鑊下油，放入乳鴿，炸至金黃色後撈起隔油。放涼後切件即成。進食時可配檸檬汁或喼汁、淮鹽，味道更佳。

TIPS:

蒸煮乳鴿前清除表面醃料，避免油炸時令醃料焦燶。

西檸煎軟雞 - 亞爺廚房

材料:

雞   1隻

檸檬   1-2個 (榨成汁及刨出檸檬皮)

麥芽糖   60g

生粉   少許

醃料:

糖   2茶匙

鹽   1茶匙

油   1湯匙


做法:

1. 雞肉放入糖、油拌勻後，下鹽拌勻，再輕輕撲上一層生粉。

2.熱油鑊，將雞件炸至微微金黃色後，倒出八成熱油。

3.用剩下的熱油繼續煎雞至金黃色，撈起隔油，置碟。

4.將麥芽糖、檸檬汁、檸檬皮及生粉煮成醬汁。

5.將醬汁淋在雞件上，均匀地包封每件雞件即成。

芝麻卷 - 亞爺廚房

材料:

黑芝麻   120g

水   400g

冰糖   100g

粘米粉   30g

澄粉   60g

馬蹄粉  40g

熟油   適量

長方形模   18x24cm


做法:

1.白鑊烘黑芝麻至聞到芝麻香，放涼備用。用開水煮溶冰糖，放涼備用。

2.黑芝麻放入攪拌機打成芝麻粉，加入馬蹄粉、澄粉、粘米粉及冰糖水，攪拌成芝麻漿。

3.先將芝麻漿過篩隔渣，再用魚湯袋隔一次，留下幼滑芝麻漿。

4.在長方形模內薄薄掃上熟油後，將約100毫升芝麻漿倒入。

5.待水滾後，放於蒸鑊內蒸約3分鐘。

6.取出長方形模，稍為放涼後，在芝麻粉皮表面掃油，慢慢捲成卷狀，放入雪櫃冷藏。

7.進食前切件，撒上烘香白芝麻，味道更佳。

蝦多士 - 亞爺廚房

材料:

麵包   適量

海蝦   460g(去殼，雪凍吸水份）

醃料:

糖   1茶匙

油   1湯匙

鹽   1茶匙

蛋白   1隻


做法:

1. 海蝦去殼，用毛巾捲好，放入雪櫃約1至2小時，將蝦仁水分吸乾。

2.蝦切成兩半，用刀拍扁，刀背刴至起膠，置大碗中，再順序加入糖、油、鹽及蛋白，拌勻。

3.蝦膠放入雪櫃冷藏約1至2小時，吸收蛋白。

4.在麵包上均勻塗滿蝦膠，準備下油鑊；亦可選擇將蝦膠均勻塗滿麵包後，在麵包上挖一個小洞，將原隻蝦連殼放入並固定在方包中，作原隻蝦多士。

5.熱油鑊，將麵包炸至金黃色後撈起隔油。稍為放涼後，即可品嚐。

TIPS:

1. 醃味時加入蛋白，可以令蝦膠更彈牙

金華玉樹雞 - 亞爺廚房

材料:

杞子   少許

冬菇   8-10隻

金華火腿   300g

雞   1隻

菜心   適量 (幼身)

調味:

糖   適量


做法:

1. 杞子、冬菇浸軟。火腿以大火蒸20至30分鐘。雞斬件，火腿及冬菇切片。

2.把雞件、冬菇、火腿依次相間排放於碟上。

3.先蒸4分鐘，打開鑊蓋疏死氣後再蒸16分鐘。

4.菜心焯熟，放在蒸好的火腿上。

5.用水、生粉、糖勾芡，下鑊後加入杞子煮成芡汁，淋上金華玉樹雞即成。

TIPS:

1. 關火後不立即揭蓋，讓雞汁回滲到雞身內。

杞子圓肉紅棗老雞燉花膠 - 亞爺廚房

材料:

白花膠   2-3塊

老雞   1/2隻 (洗淨，斬件，汆水)

瘦肉   300g (洗淨，切粒，汆水)

鮮雞腳   8隻 (洗淨，切開，汆水)

杞子   25g

桂圓   45g

紅棗   20g

陳皮   1片 (浸軟，去瓤)


做法:

1. 瘦肉切粒，雞腳於肉厚位罝輕輕切一刀，老雞去皮斬件，老雞，雞腳汆水，瘦肉汆水。

2. 燉盅內依次序放入瘦肉，陳皮，雞腳，花膠，雞件，沸水，桂圓，杞子，紅棗，燉５小時。

3. 飲用時可下少許鹽調味即成。

豉汁涼瓜燜牛肉 - 亞爺廚房

材料:

涼瓜   170g

梅頭牛肉   500g

豆豉   15g

陳皮   少許

糖   1.5茶匙

鹽   1/2茶匙

牛肉醃料:

糖   1茶匙

生粉   1/2茶匙

熟油   少許

薑茸   10g

蒜茸   10g

水   少許


做法:

1. 牛肉切厚片，陳皮切絲，豆豉切碎。涼瓜切開去瓤後，斜刀切片。

2. 涼瓜下粗鹽拌勻，略醃至瓜身滲水，減去苦味，之後用清水，洗淨鹽份，隔水待用。

3. 牛肉下糖，生粉，熟油先拌勻，再下薑茸，蒜茸，豆豉，陳皮調味，最後加水拌勻。

4. 起油鑊，下牛肉炒至半熟，盛起備用。

5. 原鑊下油，下涼瓜略炒，下糖，鹽調味，下牛肉快炒，加入少許水炒勻，蓋上燜數分鐘，入味後完成。

陳皮鴨腿湯飯 - 亞爺廚房

材料:

陳皮   3-4片

米鴨   1隻

薑   70g

蔥   約4棵

滴珠油   60g

絲瓜   1條


做法:

1. 切去米鴨尾部及斬去鴨掌。將凍水放入鑊內，下鴨，滾後汆水約２０分鐘。

2. 將蔥，薑，2片陳皮放鴨肚內，用燒針封口，鴨切去頭部。

3. 下滴珠油抹勻鴨身上色。

4. 起油鑊，下鴨拉油，待皮色變金黃盛起隔油。

5. 鴨蒸約2小時至稍為軟身，實際時間因鴨大小而異。

6. 鴨切開為４件，放入沸水中，加入餘下陳皮煲湯，煲約45分鐘。

7. 絲瓜用小刀去皮，切去頭尾，去瓤去核，然後切小塊。

8. 於鴨湯取出鴨腿盛起，放入碗中。

9. 絲瓜加入鴨湯中煮熟，盛起放入碗中。

10. 把湯倒入碗中，放上芫荽即成，食用時可泡飯。

霸王雞 - 亞爺廚房

材料:

騸雞   1隻

蔥絲   3棵

指天椒絲   1隻

薑絲   少許

青,黃,紅椒各   半個 (切絲)

白芝麻   10克

麻醬   60克

麻油   2湯匙

熟油   1湯匙

沙律菜   少許 (裝飾用)

雞醃料:

薑蓉   25克

紅蔥頭蓉   30克

蒜蓉   25克

粗鹽   10克

熟油   2湯匙

做法:

1. 將薑蓉、蒜蓉、紅蔥頭蓉、粗鹽、熟油拌勻，再抹勻於雞內外，醃30分鐘。

2. 騸雞較大，蒸約30分鐘，關火後焗10分鐘。

3. 芝麻下白鑊烘香。把沙律菜鋪在碟上。

4. 雞取出放涼後，用手撕成雞絲。

5. 雞絲加入彩椒絲、薑絲拌勻，放在沙律菜上，再放上薑絲、蔥絲、指天椒絲；淋上熟油，麻醬、麻油，最後灑上芝麻即成。

TIPS:

醬料可提升味道層次，濃淡按個人口味加減。

欖角骨 - 亞爺廚房

材料:

一字排   520g

欖角   30g

粉漿:

生粉   適量

水   適量

調味:

老抽   適量 (調色用)

豆豉   10g

片糖   1條


做法:

1. 欖角壓實切碎，豆豉切碎，備用。一字排洗淨切件。生粉及水調和成粉漿。

2. 排骨均勻地沾上粉漿；滾油炸排骨，後轉中火將排骨炸至金黃色，撈起隔油備用。

3. 片糖切碎，備用。

4. 將熱油倒出，在原鑊中加入水及片糖碎，把片糖煮溶。

5. 之後加入欖角，豆豉及生粉水，煮成芡汁。

6. 放入排骨炒勻，老抽調色，直至芡汁均勻地包封每件排骨即成。

鮮蝦釀竹笙 - 亞爺廚房

材料:

鮮蝦   10隻

竹笙   10條 (浸軟)

金華火腿   35g

蛋白   2隻

花蟹   2隻

糖   1茶匙

鹽   1/2茶匙


做法:

1. 花蟹蒸煮後起肉，備用。

2. 蝦去殼，於腹部軟切數刀，使蝦不會屈曲。

3. 把蝦釀入竹笙內。

4. 把釀好的竹笙先蒸３分鐘，打開鑊蓋去死氣後再蒸５分鐘。

5. 金華火腿茸加生粉水勾芡。

6. 起油鑊，下蟹肉略炒，加入少許水，下糖，鹽調味。最後加入蛋白，芡汁煮勻，淋於竹笙上即成。

腐竹白果燉雞湯 - 亞爺廚房

材料:

雞   1隻

腐竹   2片(浸軟)

炸枝竹   2片(浸軟)

白果   140g

瘦肉   100g

金華火腿   35g(切片)


做法:

1. 雞和腐肉汆水：白果用刀背輕力敲開外殼，汆水後要即刻過冷河，以便去衣。

2. 雞身內放入白果，金華火腿，瘦肉。

3. 燉盅內放入炸枝竹，瘦肉，腐竹，再放入雞和白果，倒入白開水至九成滿（白開水最好是熱水）。

4. 蓋上燉盅，再包上耐熱保鮮紙，燉約4小時即成。

辣酒煮花螺 - 亞爺廚房

材料:

花螺   600g

紹興酒   400ml

指天椒   3-4隻(切粒)

乾辣椒   9隻(一開三)

辣椒油   1湯匙

八角   1粒

花椒   3g


做法:

1. 沸水內加入芯椒，八角，乾辣椒煮至出味，倒入一半酒，蓋上煮至沸騰。

2. 放入花螺煮至熟透，加入指天椒，辣椒油，關火。倒入餘下紹興酒即成。

豉椒避風塘炒蟹 - 亞爺廚房

材料:

肉蟹   1隻

青蟹   1隻

蒜茸   20克

豆豉   20克(切碎)

陳皮   6克(浸軟)

指天椒   3隻

薑茸   8克

蔥   6棵（切段）

紅蔥頭茸   10克

白胡椒粉   5克

老抽   少許

鹽   少許


做法:

1. 陳皮去瓤切碎備用。

2. 蟹用牙刷刷乾淨，蟹斬件，除去蟹蓋上的胃囊，用刀背輕力把蟹鉗殼拍碎。

3. 起油鑊，下蟹走油，盛起隔油。

4. 再起油鑊，爆香薑，蒜，紅蔥頭，下白胡椒，陳皮碎，加入少許水略炒。

5. 下豆豉，蟹炒勻，再加入指天椒，老抽炒勻，最後加入蔥段快炒。下鹽調味即成。

鹽可頌

材料:

高筋麵粉   250g

老麵   50g

糖   15g

酵母   3g

水   160g

幼鹽   4g

無鹽牛油   20g

粗海鹽   適量

凍無鹽牛油   5g(每個)


做法:

1. 牛油放軟，將牛油，高筋麵粉，糖，鹽，酵母，老麵(撕碎)加入廚師機，用1度拌勻材料，分兩次加入水份，用3度打大約15分鐘，再用4度打15分鐘至麵團光滑起筋，拉到有薄膜

2. 輕輕蓋上保鮮紙 (但不要全密封) 發酵至2倍大，視乎溫度約60-90分鐘

3. 發酵至2倍大後，排氣搓揉，分成6份

4. 再搓成欖形/水滴形

5. 輕輕蓋上保鮮紙，鬆弛15分鐘

6. 將麵團擀成上窄下闊的長形

7. 放5g凍牛油在闊位，由闊向窄卷上，收口向下

8. 輕輕蓋上保鮮紙，二次發酵30-45分鐘

9. 焗爐預熱

10. 麵團噴上少少水份，再鋪上少許粗海鹽

11. 放入焗爐190C焗約20分鐘，至金黃即成

TIPS:

1. 老麵可以増加麵團彈性, 將高筋麵粉125g, 水75g, 酵母2g, 幼鹽2g，搓揉6-8分鐘至光滑, 再室溫發酵4小時，排氣分成4份(每份將50g), 可放入冰格保存，用前回溫撕碎即可使用

示範短片:
YouTube：https://youtu.be/xQkXUrqm5s0

芝士煙肉焗蠔

材料:

蠔   1打 (如果係急凍既, 要先解凍)

煙肉(少肥)   4塊

芝士   3湯匙

調味料:

黑胡椒碎   隨意


做法:

1. 預熱焗爐 180c

2. 將生蠔放好係焗盤

3. 煙肉切細粒 (好似紅豆咁上下大就啱), 跟住中小火慢慢煎香佢，有香味同轉色就可以熄火

4. 將煎好既煙肉粒平均咁放係蠔上面, 之後再放芝士

5. 放入焗爐上層用烤/Grill mode ( 即只開上火) 烤8-10分鐘，期間check住，只要芝士溶同埋轉金黃色就可以出爐

6. 小心用夾將蠔放上碟, 再加上黑胡椒碎輕輕調味

TIPS:

1. 任何芝士都可以，想香味重既就加帕馬森芝士Parmesan Cheese ，想口感重既可以加馬茲瑞拉芝士Mozzarella Cheese，就算三文治既片裝芝士剪碎都一樣

桂花雪梨雪耳糖水

材料:

雪梨   2個

雪耳   1大朵

無花果   1-2粒

南北杏   適量

冰糖   適量

桂花乾   1茶匙

水   4碗


做法:

1. 雪耳預先用水浸軟，剪去中間深黃色較硬部分，其餘既剪碎

2. 桂花乾用小小水先浸

3. 雪梨去皮去核, 切件

4. 浸洗南北杏 & 無花果

5. 雪梨, 雪耳, 南北杏, 無花果隨凍水煲

6. 滾後中火煲30分鐘(半掩蓋)

7 加冰糖及桂花乾連水

8. 試甜味

TIPS:

1. 無花果我用大粒既,滾透後約20分鐘...見無花果如果想穿就要先撈起，如果無花果D籽漏左出黎，會影響口感&味道較酸

2. 唔加桂花，可加紅棗杞子

蟲草花雞肉臘味荷葉飯

材料:

荷葉   2塊

隔夜飯   4杯生米

雞脾肉   2 大塊

蟲草花   20-30 條

蝦米   20g

瑤柱   4-5粒

冬菇   6-10粒 (視乎大小)

臘腸   2條

蔥花   少許

雞肉醃料:

鹽   3/4茶匙

糖   1/2茶匙

生抽   2-3茶匙

麻油   1/2茶匙

胡椒粉   少許

調味料:

鹽   1茶匙

老抽   5-6茶匙

生抽   2-3茶匙

麻油   少許

紹興酒   少許


做法:

1. 前一日，先將瑤柱、蝦米同冬菇浸水

2. 先用大盤水將荷葉浸軟，要溫柔D，因為荷葉乾身時好脆，好易爛

3. 蟲草花浸水備用

4. 雞肉洗淨去皮，切細舊，用醃料醃最少半個鐘，我就習慣醃過夜

5. 臘腸同冬菇切薄片，瑤柱壓成絲

6. 中火開鑊落油，先炒香蝦米同瑤柱，再落臘腸，炒香後落埋冬菇，上碟備用

7. 原鑊炒雞肉，炒到8成熟，中途落少少酒增加香味，上碟備用

8. 原鑊落油炒飯，到飯炒到一半左右，就將之前所有材料放落鑊一齊再炒

9. 試味，再落調味料，炒勻之後再試味，因材料多，味道要試多幾次先知清楚

10. 炒飯完成就可以放上荷葉包好再蒸。首先將浸軟左既2塊荷葉打開，深色既向自己，分別放係2大碟上，係第一塊荷葉上先放蟲草花，再慢慢放上全部炒飯，之後摺一摺荷葉邊推向中心。將第二隻荷葉碟"cup"上面，完整咁包住成個飯，摺好荷葉邊，跟住攞去蒸30-40分鐘。

TIPS:

1. 呢個飯，我10日內煮左2次，除左重覆試多次個食譜，重因為我我老公同仔都話，好好食！

2. 因為係無其他餸，同埋咁好食，一定食多碗飯，所以要準備多D飯炒

3. 分量多先係荷葉飯，包得太少飯就變珍珠雞/糯米雞, 要用個比較深既大鑊炒，因為飯多，
好似我用呢個LC 32 媽咪就好好炒。如果鑊唔夠大，可以分2次炒。

4. 蟲草花放底，係方便煮完之後，一剪開荷葉，佢就變成係面，好睇又好食

5. 如果屋企有鮑汁，可以用黎代替生抽，就更加美味

Earl Grey Tea Panna Cotta

材料:

淡忌廉   250g

鮮奶   250g

糖   50g

魚膠片   10g

伯爵茶葉   20g


做法:

1. 先將鮮奶，糖，伯爵茶葉用小火煲約3-4分鐘，直至糖完全溶解

2. 用保鮮紙/蓋 包好做法1 既材料，方便茶葉焗出味(焗約10分鐘)

3. 用冰水浸軟魚膠片

4. 將浸軟既魚膠片放到微溫既奶茶裡攪拌，直至魚膠片完全溶解

5. 將茶葉隔出

6. 加淡忌廉攪勻

7. 放入雪櫃雪4小時以上

TIPS:

1. 唔用伯爵茶，可用玫瑰花或茉莉花

2. 魚膠片質素較魚膠粉好，如果用魚膠粉要先用2-3湯匙暖水攪溶才加

3. 用冰水浸魚膠片係令佢浸軟過程唔會溶左部分係水裡

南瓜巴馬火腿磨菇酥皮撻

材料:

蛋   1 隻

南瓜   450g (去籽去皮後大約420g)

磨菇   50g

火箭菜   少許

急凍酥皮   3張

巴馬火腿   2-3 片

Feta Cheese   20g

鴨油/ olive oil   1湯匙


做法:

1. 酥皮先解凍，備用

2. 南瓜去籽去皮，切細粒，大約半隻麻雀咁大, 南瓜皮好硬，要小心切，好似相中，切件後平放，用細刀仔慢慢切

3. 預熱焗爐180c，將油同南瓜撈埋，放入焗爐焗20-30分鐘，直至煮淋同轉金黃色就可以出爐備用

4. 磨菇切薄片，Feta cheese 切碎，巴馬火腿用手撕開，變成細片

5. 將酥皮放係baking paper上面，好似圖中咁，用刀背係四邊畫出約1.5cm 既邊界，係四邊擦上蛋液，呢個係個撻邊，中間酥皮用叉輕輕咁手插十數下，用作用係防止中間酥皮升高

6. 隨意將煮好既南瓜粒、磨菇、Feta cheese同巴馬火腿放係酥皮上

7. 放入焗爐200c，焗10-13分鐘，到四邊酥皮轉金黃色就可以出爐

8. 上碟前將火箭茶放上面，就食得

TIPS:

1. 呢個撻可以整一大個做一人主菜份量，又可以將酥皮一開四，就細個既party food 份量

2. 呢個撻集合所有食材既天然味道，（南瓜甜、火腿同芝士咸、磨菇同酥皮香，重有火箭菜爽脆同甘甘地味）所以唔需要加任何調味料

3. 最好前一晚整定南瓜粒，咁到正式整撻果陣就快好多

4. 如果唔落Feta cheese，可以落其他芝士，但就選擇比較實，無咁易溶既芝士比較好，如果唔係，就會變成酥皮Pizza(雖然都一樣咁好味~~)

5. 酥皮果四邊可以選擇向內摺，或者打平唔摺，我2隻都試左，分別唔大

6. 鴨油用黎焗薯仔南瓜係特別香，我今次試又好似係香D，但用其他油都無問題

栗子炆雞脾

材料:

雞脾   3隻切件

栗子   1/2磅

乾蔥頭   2大粒切碎

薑片   3-4片

蒜頭   3-4粒切碎

調味料:

蠔油   2湯匙

老抽   1湯匙

豉油   2湯匙

冰糖   2粒(5毫子size)

味林   3湯匙

燒酒   2湯匙


醃料:

鹽   1茶匙

糖   1茶匙

醬油   2茶匙

生粉   1湯匙

胡椒粉   少許

麻油   少許


做法:

1. 落油爆香乾蔥頭，薑片，蒜頭

2. 落雞脾炒，直至表面變色

3. 畫一圈咁落燒酒，可以僻走雪味

4. 加栗子再炒一陣

5. 落餘下既調味料，再加水(水要蓋過材料9成)

6. 細火炆15分鐘

7. 開蓋檢查有無乾水，可以試味

8. 細火再炆5分鐘，熄火(不要開蓋)焗大概10分鐘，利用餘溫令雞脾更入味

9. 加蔥花，

TIPS:

1. 用LC/Staub煲鎖水同儲熱功能強，所以唔需要落太多水，如果用其他就可能要加返多少少水同時間炆耐D~

燒雞翼

材料:

雞中翼   12隻

檸檬/檸檬汁   少許

調味料:

糖   2.5湯匙

蒜鹽   2湯匙

蠔油   2湯匙

老抽   1湯匙

生粉   1湯匙

味林   1.5湯匙

七味粉   1湯匙

黑胡椒碎   1湯匙


做法:

1. 雞中翼沖洗之後，用廚房紙印乾

2. 將所有調味料同雞中翼撈均，最好直用手撈，撈均晒每隻

3. 撈好既雞中翼，放雪櫃雪最少24小時

4. 焗爐預熱180C

5. 將醃好既雞中翼先放室溫30分鐘，再排好放入焗爐

6. 雞中翼焗20-25 分鐘, 中間唔需要反

7. 焗好之後，可以灑少許芝麻/香草裝飾

8. 食之前灑上檸檬汁就食得


TIPS:

1. 要跟足份量同醃最少24小時，最好係醃2日

2. 蠔油我用李X記舊裝，好味好多。我試過用熊貓，2湯匙味道唔夠，要落多1湯匙

3. 如果無蒜鹽，可以落半湯匙多少少既普通鹽，但蒜鹽好好用，值得買

4. 焗果陣唔洗將雞中翼反轉，因為反左會令原本脆既表面破壞

5. 如果唔落檸檬汁，可以落少少蜜糖，但唔好2 樣都落~~

港式茶餐沙嗲牛肉

材料:

牛肉(新鮮/急凍)   1/2磅(200-250g)

乾蔥頭   1大粒

蒜頭   6-8粒

燒酒   2 茶匙

沙茶醬   8 茶匙 (~100g)

花生醬   4 茶匙 (~50g)

水   800 ml

糖   4 茶匙

鹽   1 茶匙

雞粉   2 茶匙

老抽   3 茶匙

生粉芡   3茶匙 + 100ml水

牛肉醃料:

食用梳打粉   1 湯匙

水   150ml


做法:

1. 先將牛用切片，加梳打粉同水撈勻，醃10-20分鐘。時間越長，肉質越林，但唔好超過25分鐘，否則太林。時間夠就沖洗乾淨，洗走梳打粉。

2. 煲水烚牛肉，過冷河備用。因為牛肉過醃梳打粉，所以烚既時間可能會有泡，唔洗擔心，牛肉熟左之後過冷河就可以。有泡唔怕，較細火烚熟牛肉，再過冷河

3. 乾蔥頭同蒜頭切碎，盡量碎。

4. 中小火開鑊，爆香乾蔥頭同蒜頭，炒到香再加燒酒，令佢更香。

5. 較細火，加沙茶細同花生醬，慢慢炒勻

6. 加水，較中火繼續煮，到水滾之後可以加雞粉、糖、鹽同老抽，再加牛肉, 煮勻試味。比平常濃味少少就啱，因為加落湯面之後會俾湯沖淡左。

7. 試啱味就可以落生粉芡，當濃度調較到OK 就成功喇！

薑汁燉蛋

材料: (2-3人份量)

雞蛋   3隻

水   280ml

冰糖   50-60g

薑汁   4湯匙


做法:

1. 將水同冰糖煮溶，再歎涼冰糖水

2. 把放置薑汁燉蛋的器皿/小碗預先蒸熱

3. 把薑批皮磨成薑汁

4. 3隻雞蛋完全發勻，將薑汁和雞蛋液倒入冰糖水

5. 利用隔篩過濾，倒入預先蒸熱的小碗，蓋上高溫保鮮紙

6. 隔水蒸/放入蒸爐蒸15-20分鐘(視乎厚度)

7. 用牙籤篤入，冇蛋汁痴就熟啦~

TIPS:

1. 呢個甜品適合熱食，先食到薑汁既香同滑滑既蛋，但當然都可以放入雪櫃後凍食

2. 喜歡薑汁既味道，可以再多加1-2湯匙薑汁，但要留意老薑味道較辛辣

3. 預先蒸熱小碗，入爐時不會有太大溫差，可令到燉蛋蒸完更滑

4. 蓋保鮮紙係預防倒汗水，影響燉蛋滑lulu既質感

霸氣排骨

材料:

一字排   300g

糯米   80g

一字排醃料:

清酒   4湯匙

醬油   3湯匙

糖   2茶匙

胡椒粉   適量

七味粉   少許

蒜蓉   1.5湯匙

蔥頭   1-2粒(切碎用)

調味料:

豆瓣醬   1湯匙

鹽   1/2茶匙


做法:

1. 預先浸透糯米最少8小時

2. 醃料醃排骨最少4小時

3. 將浸透既糯米用hand blender打碎 (但不要太過火變粉，要有微粒既狀態)

4. 糯米碎加豆瓣醬及鹽撈均

5. 將醃好既排骨放在糯米豆瓣漿上沾滿4邊

6. 沾滿糯米既排骨放入蒸爐蒸20分鐘 (如滾水蒸可減少5分鐘)

TIPS:

1. 霸氣排骨最適合用一字排整，或豬軟骨都可以

2. 無豆瓣醬加適量辣椒粉也可

3. 一定要趁熱食呢!

迷你英式酥皮肉卷

材料:

急凍酥皮   2塊

豬肉碎   500g

芝麻   少許

調味料:

咖哩粉   1.5湯匙

甜椒粉   2湯匙

孜然粉   1/2湯匙

蒜粉   1/2湯匙

鹽   3/4湯匙

黑胡椒碎   1/2湯匙

麵包糠   5湯匙

牛奶   2湯匙(可以唔加)


做法:

1. 將所有調味料同豬肉碎撈均，醃30分鐘

2. 酥皮放室溫解凍，大約需時10-15分鐘

3. 將肉碎分4份，每一份都長型咁放上酥皮

4. 將酥皮卷起，預1cm作埋口位，用刀仔切走多餘的酥皮

5. 重複步驟直至所有肉卷包好

6. 焗爐預熱180c

7. 係焗盤上放上牛油紙，將肉卷切成細塊，係酥皮而掃上少許牛奶或蛋液，灑上芝麻

8. 放入焗爐焗15-20分鐘

9. 焗好之後，放上架上攤涼5分鐘就食得

TIPS:

1. 再簡單既可以直接包香腸，無問題，但因為香腸會漲，所以要介一介條香腸先，唔係就會爆腸。前面4舊有介開，後面2舊無，所以就爆開了~

2. 可以一次整多D，平時早餐、下午茶焗返熱就食得

3. 食果陣配茄汁係最好食！

4. 麵包糠係用黎保存肉汁，食既時候比較juice。同埋可以令焗既時候，減少肉汁整濕個酥皮。

5. 焗完個卷底可能會有D濕（因為有肉汁），所以焗完要係架上攤5分鐘，之後就會脆！

蟹肉牛油果他他

牛油果沙律材料: (2人份量)

牛油果   1個

檸檬汁   1/2個

蛋黃醬   2-3湯匙

蟹肉材料:

蟹肉   80g

蛋黃醬   2湯匙

鹽   少許

黑胡椒碎   少許

車厘茄材料:

車厘茄           12-14粒(約半磅)

菜油/橄欖油   1茶匙

鹽   少許

黑胡椒碎   少許


做法:

1. 車厘茄洗淨，抹乾水，切1開4，與調味料拌勻

2. 蟹肉與調味料拌勻

3. 牛油果先360度用刀界開，左右手同時向相反方向一擰，就開到，利用鐵匙將肉刮出，切粒，加檸檬汁以免氧化，再與調味料拌勻

4. 利用圓形慕絲圈，最底放牛油果沙律，中間放蟹肉，上層鋪車厘茄

5. 輕力按壓車厘茄，把慕絲圈抽出，加些乾蕃茜/薄荷葉作裝飾


TIPS:

1. 唔用蟹肉可以用三文魚刺身，一樣美味!!

2. 挑選牛油果可揀D較淋身比較熟既

北海道牛奶布丁

材料:

牛奶   320ml

淡忌廉   150ml

糖   40g

魚膠片   10g

雲尼拿油   1茶匙


做法:

1. 魚膠片先用冰水浸軟，備用

2. 牛奶加糖，小火微熱煮溶糖

3. 加魚膠片攪拌，利用餘溫溶魚膠片

4. 加淡忌廉及雲尼拿油

5. 先待布丁完全放涼後，再攪拌倒入小碗

6. 放雪櫃雪至少小4小時


TIPS:

1. 雲尼拿油係用黎增加香味，如果真係冇，唔加都可以, 我會喜歡用有雲尼拿籽既雲尼拿油~感覺上好D

2. 因為有溫度下忌廉會同牛奶呈分離狀態，如果即時倒入小碗雪，雪完就會分成兩層，
所以一定要放涼後再攪拌倒入小碗

蝦醬芝麻燒雞翼

材料:

雞翼   14-16 隻

芝麻   少許

調味料:

蝦醬   3茶匙

糖   1茶匙

味醂   2茶匙


做法:

1. 雞翼沖洗，印乾

2. 用一個大碗，將雞翼同所有調味料撈均，醃10分鐘

3. 焗爐180c , 焗20-25分鐘

4. 食之前灑上芝麻

TIPS:

1. 有時間，可以醃長D時間或者過夜都OK

2. 黑芝麻係好有益既食物，唔一定食芝麻糊，平時煮餸果陣加D都可以

3. 放雞翼係烤架上焗，雞油邊焗邊流下焗盤，食果陣就健康D~

惹味混醬魚頭

材料:

大魚頭   1個(約1斤半)

蔥   適量

薑片   3-4片

大魚頭醃料:

鹽   1/2茶匙

糖   1/2茶匙

燒酒   2湯匙

薑汁   2湯匙

胡椒粉   適量

調味料:

甜麵豉   2湯匙

海鮮醬   2湯匙

豆瓣醬   1湯匙

糖   1茶匙

鹽   1/3茶匙

水   約1碗半-2碗

做法:

1. 洗淨魚頭抹乾水，加醃料醃15分鐘

2. 開鑊落油，爆香薑片，落甜麵豉，海鮮醬及豆瓣醬爆炒幾下

3. 加水及蔥煮滾

4. 放魚頭加蓋煮10分鐘，中途需反一反轉

5. 落鹽及糖試味

TIPS:

1. 正常整魚頭好多人都會撲粉，煎/炸下個魚頭，令佢定形，煮個陣冇咁易散，但我唔喜歡煎魚個口感，會直接落鑊煮，所以要留意煮個陣唔好係咁反/郁個魚頭，否則會散晒

2. 爆炒一下D醬會香D

3. 加水份量唔需要太多，因為加蓋有蒸氣魚頭會熟，水太多會溝淡魚汁既鮮味

自製手工XO醬

材料: (可以整5 - 6樽, 每樽約200g)

油   約700ml - 1000ml

乾瑤柱   150g

蝦米   180g

乾蔥頭   150g

蒜頭   150g

咸魚碎   25g

金華火腿   25g

辣椒   6-8小隻

喜歡辣既可另加

辣椒粉   2湯匙

辣椒   5-8隻

調味料:

蠔油   4湯匙

糖   1.5湯匙

雞粉   1.5湯匙

鹽   1/2湯匙


做法:

1. 前一晚先將乾瑤柱用少少水浸軟

2. 首先將乾瑤柱、蝦米同咸魚沖洗用蒸爐或明火隔水蒸30-40分鐘至軟身

3. 將蒸好既咸魚拆肉，瑤柱用刀或用手壓成絲，蝦米用攪拌機打碎。如瑤柱比較大，也可以用攪拌機輕微打碎少少，但不要太碎。

4. 乾蔥、蒜頭去衣，分別用機打碎成蓉; 辣椒和金華火腿切碎

5. 準備一個中型既鑊，同一隻大型既鑊

6. 先將700ml 既油倒入中型鑊，油微滾有氣泡就可以分別將乾蔥蓉、蒜蓉、蝦米碎、瑤柱絲、咸魚同金華火腿炸好。炸既時候油溫唔可以太熱，唔係會好易𤓓，炸既時候要攪下，防燒焦。每炸好一樣材料，要撈起放係準備好既大鑊入面，再炸另一樣。就好似相中一樣。如果炸既期間唔夠油，可以再加。

7. 當所有材料都炸好，就可以加油用中小火再煮，本身用來炸既油都要，因為是所有材料香味精華所在，而油既分量要蓋過所有材料。

8. 落調味料，中小火煮30分鐘，期間要不停炒。

9. 用乾淨無水既匙試味，小心熱，味道ok就可以熄火。

10. 完成後嘆凍，等至少12小時，先可入樽。入樽前，記得個樽或盒要用滾水消毒，風乾，確定無水份先可以。

11. 入樽時要確保有足夠油份蓋過，咁樣可以防止XO醬與空氣接觸，可以保持耐D。

12. 完成後，放雪櫃可以保持約60日。

TIPS:

1. 因為炸既材料比較細，好難撈起，所以如果可以，準備好一個大既不銹鋼盤或煲同一個大既過濾網，每炸好一樣就小心直接倒出黎，分隔左之後，油就倒返落鑊繼續炸。

2. 因為係手工xo醬，所以材料可以適量咁增加減少，鐘意多D瑤柱少D蝦米又得，蝦米多D，瑤柱少D又可以，只要比例唔好相差太多就得。

3. 煮既時候同試味一定要小心，因為油份多，好熱，要小心唔好燙到～

4. 要放雪櫃保存，因為香港天氣潮濕。

士多啤梨法式拿破崙

材料: (2-3件)

現成酥皮   1塊

即溶吉士粉   150g    

士多啤梨   2-3粒

糖霜   少許


做法:

1. 吉士粉按包裝指示加牛奶混合成吉士醬, 放雪櫃雪最少30分鐘

2. 酥皮解凍, 焗爐170C預熱，焗20-25分鐘

3. 酥皮出爐後去邊，切3塊一樣size既長方形

4. 1層鋪底，唧吉士醬，再鋪中層，再唧吉士醬

5. 鋪頂層，加士多啤梨

6. 灑上糖霜食得!!!

TIPS:

1. 因每個爐溫都唔同，要留意如上火太勁已上色，但未夠乾脆，可用錫紙蓋一蓋再繼續焗

2. 酥皮要趁新鮮脆食先好，所以唔可以預先整定

3. 唔用士多啤梨，用其他berries 或者芒果都可

抹茶心太軟

材料: (2個份量)

牛油    40g

白朱古力    60g

雞蛋   2隻(約100g)

糖   30g

低筋面粉   35g +適量

抹茶粉   5g

糖霜   適量

做法:

1. 先將牛油隔水坐溶，取少少掃勻焗模, 再灑適量低筋面粉於焗模上，方便之後脫模

2. 再將牛油溶液與白朱古力隔水坐溶拌勻

3. 雞蛋發勻，加上糖利用電動打蛋器拌勻

4. 篩低筋面粉及抹茶粉於蛋液中，利用電動打蛋器拌勻

5. 將麵糊與牛油朱古力拌勻

6. 倒進焗模內

7. 焗爐預熱，180C焗16-18分鐘

8. 出爐後倒轉焗模，將心太軟脫出

9. 灑上糖霜，配雪糕

TIPS:

1. 個個爐溫不同，如果心太軟過熟就不能流出，所以初初真係要試下

2. 脫模時可利用牙籤畫一圈幫助甩

3. 如果用牛奶或黑朱古力，會影響心太軟顏色

咖哩蜜糖雞翼

材料:

雞翼   2磅(約14-16隻)

醃料:

咖哩粉   3湯匙

紅椒粉   1湯匙

醬油   2湯匙

味醂   2湯匙

蜜糖   3湯匙

蜜汁:

蜜糖   1湯匙

凍滾水   2湯匙


做法:

1.  雞翼解凍，抹乾水，用醃料至少醃1日

2. 焗爐180C預熱，雞翼放焗架上(底向上)，下面焗盤墊油，焗20分鐘

3.  翻轉雞翼，面掃上蜜汁，再焗10分鐘

TIPS:

1. 咖哩粉有好多唔同款，建議買辣D既好味D

2. 焗雞翼我習慣焗底先，翻轉掃蜜糖就方便D

3. 想雞翼更香更脆，最後3分鐘可較高溫200-210C

4. 個個爐溫都唔同，要自行再調整

滋味醬燒豬仔骨

材料:

豬仔骨   2排(約1kg)

海鮮醬   3湯匙(45g)

蠔油   3湯匙(45g)

黃糖/咖啡糖   3湯匙(45g)

水   3湯匙(45g)

蒜蓉   1湯匙

薑蓉   半湯匙

煮醬汁材料:

麵粉   2-4 茶匙


做法:

1. 豬仔骨沖洗乾淨，做廚房紙印乾

2. 所有調味料倒入大碗撈均

3. 用調味料汁同豬仔骨擦均，放雪櫃醃至少8小時

4. 從雪櫃攞出豬仔骨放室溫20-30分鐘

5. 焗爐180c 將豬仔骨同所有醃汁一齊焗20-30分鐘，直至豬仔骨熟

6. 當豬仔骨焗到熟，就攞出黎，將焗盤上既肉汁全部倒出，再將豬仔骨放回焗爐保溫, 豬仔骨
焗到個面有少少焦就最完美~ 如果怕油既話，可以先去油再煮醬汁。

7.中小火開鑊，將焗盤上既肉汁倒入，加入麵粉撈均，目的要煮到個汁杰身，目測個汁夠杰身(大約同平時既黑椒汁差不多)就可以。

8. 將豬仔骨放上碟，再將醬汁淋上就食得喇！醬汁可以唔倒上面，另上食果陣再點都得


TIPS:

1. 醃既時間最少要8小時，太短時間就唔夠入味

2. 煮杰左既醬汁會容易痴左個豬仔骨，食既時間就唔會滴汁

香橙百里香橄欖油焗雞槌 - Apollo NGF 希臘橄欖油

材料:

雞槌   2磅

Apollo 百里香橄欖油   適量

醃料:

海鹽   1茶匙

糖   1.5茶匙

醬油   1湯匙

老抽   1湯匙

味醂   2湯匙

黑胡椒碎   適量

橙汁   1個橙份量

百里香   4-5支


做法:

1. 雞槌解凍後，洗淨抹乾水

2. 將醃料均勻塗抹在雞槌，並醃6小時 (最好醃過夜)

3. 焗爐預熱，180C焗20分鐘

4. 食之前再輕輕加上Apollo百里香橄欖油，增加香味，就食得啦!

韓式醬汁炆牛肋骨

材料:

牛肋骨   600g

韓國牛骨醬汁   200ml

水   150ml

洋蔥   1個


做法:

1. 洋蔥切絲備用

2. 牛肋骨沖洗，切去多餘既肥羔

3. 將牛肋骨、洋蔥、水同醬汁撈均醃2小時以上

4. 開中大火，先煎香牛肋骨2面, 其實只要鑊夠熱，煎有醬汁既肉都唔會黏鑊~~

5. 轉細火，再將醃肉汁倒入，炆45分鐘- 1小時

鹽焗大蝦

材料:

蝦   10-14隻

粗鹽/海鹽   1包(約500g)

香茅   1/3枝(可省略)

黑椒粒   少許(可省略)

燒酒   少許


做法:

1. 香茅切碎，蝦先沖洗，挑腸用廚房紙索乾備用

2. 將鹽平鋪在平底鑊，約1cm厚，中火預熱5分鐘

3. 之後加入黑椒粒同香碎，輕輕炒均

4. 將蝦鋪上鹽上，加燒酒，蓋上鍋蓋焗4-8分鐘，(視乎蝦既大小)

5. 見到蝦熟轉色，就可以將蝦夾上碟擺盤。

TIPS:

1. 加熱左既鹽係非常非常熱，所以不建議原煲上, 同埋原煲上桌，鹽既熱力會令蝦過熟

2. 一定要用木或竹既隔熱墊，如果唔係就會

3. 用完既鹽可以重複用2-3次

4. 想知鹽是否夠熱，灑幾點水，如水份即刻蒸發就表示夠熱

番茄牛尾湯

材料: (約8碗份量)

牛尾   2pack (約800g)

蕃茄   6-8個 (約2斤)

大洋蔥   1個

甘荀   1條

香葉   數片

水   約2.5L

調味:

茄汁   4-5湯匙

糖   1茶匙

鹽   少許


做法:

1. 牛尾沖一沖，先出水，再洗淨

2. 蕃茄洗淨切細件，洋蔥切細條，甘荀削皮切細件

3. 開鑊落油，先中細火煎香牛尾4邊，盛起備用

4. 同一個鑊，落洋蔥甘荀爆香，再加蕃茄炒一炒

5. 將所有材料倒入大煲水內，香草撕碎一齊加入大煲水

6. 大火滾透後，轉中細火煲90分鐘

7. 加調味料試味，煲多10分鐘熄火

8. 時間許可，可以焗過夜更好味，或者焗30分鐘也可

TIPS:

1. 如果用Staub / LC 大煲可以同一煲內煎香牛尾, 爆炒材料直接加水煲

2. 因為喜歡蕃茄味濃，所以用2斤蕃茄，一般用1斤半都可以

3. 如果中意再Creamy D，可以先撈起牛尾，隔走香葉，用hand blender打勻湯連渣，再加返牛尾即可

4. 大部分人會用茄膏煲湯，但屋企唔係長備茄膏，加茄汁可以一樣美味

忌廉蘑菇汁

材料:

蘑菇   150-200g

白酒   100ml

牛油   10g

忌廉   250g

蒜蓉   1茶匙

糖   1茶匙

鹽   1茶匙

黑胡椒碎   少許

麵粉芡


做法:

1. 蘑菇切片，備用

2. 中火起鑊，落牛油同蒜蓉炒香

3. 加入蘑菇一齊炒均，加白酒煮大約1-2分鐘

4. 再加入忌廉，較中小火煮4-5分鐘

5. 加鹽同黑胡椒調味，之後加麵粉芡到適合濃厚度就可以。

TIPS:

1. 蘑菇份量可多可少，喜歡食既可以加多D蘑菇, 煮忌廉磨菇當餸食都可以

2. 無白酒可以用水或雞湯代替，但用白酒會比較香同時可以去掉蘑菇既泥味

3. 麵粉芡可用生粉芡代替

4. 除左配扒類，用黎煮意粉都可以架

焗德國鹹豬手

材料:

急凍咸豬手   1隻

啤酒   2罐

牛油   約80-100g

調味料:

香草   隨意

黑胡椒碎   隨意


做法:

1. 先將咸豬手完全解凍，再沖一沖水，

2. 跟住將咸豬手隨凍水一齊滾大概45分鐘

3. 用個豬插勁插隻豬手!!!!越多越好

4. 雪凍啤酒浸豬手，每面浸15-20分鐘，再抹乾，放入雪櫃雪5個鐘以上

5. 預熱焗爐180C

6. 將溶左牛油液加香草同黑胡椒碎，再搽均成隻豬手

7. 放入焗爐，用180C焗每面15分鐘

8. 再用220C(可以只揀上火)焗多5分鐘，令豬皮更香更脆。

TIPS:

1. 如果想再用盡隻咸豬手，可以將咸豬手拎去煲湯1個鐘，簡單青紅蘿蔔粟米都可以，但就記得都要加鮮肉呀，唔係湯會冇咩甜味

2. 另外Step1-4可以預早一晚預備，當日就可以更快完成喇!

泰式冬蔭功雞翼

材料:

雞翼   900g (約2磅)

冬蔭功醬   2 - 3茶匙

糖   1茶匙

魚露   3茶匙

香茅   1/2枝(切碎)

辣椒   2隻(小)(切碎)

茄汁   1茶匙

麻油   少許

做法:

1. 雞翼沖洗後，印乾水分

2. 將雞翼同全部調味料撈均，醃1小時以上。放雪櫃醃過夜更好。

3. 用Air fryer 160度或 焗爐180度同樣焗 20-25 分鐘

4. 上碟後灑上青檸汁更惹味。

TIPS:

1. 用雞中翼或雞全翼都可以，焗既所需時間一樣

2. 如果想再簡單D，香茅和辣椒可省去，魚露可用1茶匙鹽代替。

台式蜜糖吐司

材料:

厚麵包   4片

牛油   適量

砂糖   少許

士多啤梨   2-3顆

蜜桃   2件

雪糕   1-2球

百力滋   2支

朱古力醬   隨意

蜜糖   隨意

煉奶   隨意


做法:

1. 麵包先在中間切一個小正方形(如圖)，再將小正方形1開4切細件

2. 平底鑊加牛油，細火放麵包烘至金黃色(麵包框&麵包件一樣做法)

3. 麵包灑上砂糖，放入焗爐150C焗3-4分鐘 (要乾身及脆)

4. 將麵包框疊高，中間放入麵包件

5. 再加士多啤梨，蜜桃，雪糕

6. 唧上朱古力醬，蜜糖及煉奶

7. 加埋2支百力滋

TIPS:

1. 其實材料及醬料好隨意，按個人喜好，可以用芒果, 藍莓，奇異果

2. 百力滋好重要，加左百力滋成個感覺出晒黎

3. 原來嘉頓出左厚麵包，都係去超市買先知~~勁方便

https://sisterkitchenpalace.blogspot.hk/2016/04/blog-post_14.html

青檸蜜雞翼

材料:

雞翼   15隻

青檸   1個(榨汁用)

雞翼醃料:

鹽   3/4茶匙

糖   1茶匙

醬油   1湯匙

生粉   1.5茶匙

胡椒粉   少許

蜜糖   2湯匙

汁料:

青檸汁   1個

蜜糖   2湯匙


做法:

1. 雞翼預先用醃料醃最少3小時

2. 焗爐170C預熱，將青檸榨汁，蜜糖拌勻成汁料

3. 雞翼先反轉鋪網架，掃上汁料焗10分鐘

4. 之後再反轉雞翼，掃多層汁料再焗10分鐘

TIPS:

1. 如果喜歡酸既，可以食前再灑上半個榨汁青檸

2.  冇焗爐可以先煎熟雞翼，再用汁料煮5分鐘，但蜜糖易燶，要細火&加少少水稀釋汁料

楊枝甘露

材料: (約6人份量)

細西米   150g

芒果   6個(細size)

代糖   25g

冰糖(如不用代糖)   50g

花奶   100ml

椰漿   100ml

水   200ml(for 糖水用)

水   1500ml (for 西米用)

柚肉   隨意


做法:

1. 碌柚拆肉備用

2. 先將西米浸洗，大火煲滾水後落西米，大火煮15分鐘，熄火焗20分鐘, 所有西米都變透明

3. 撈起西米沖凍熟水，等西米唔好粘埋一齊，隔水備用

4. 煲熱水，煮溶代糖成糖水，放涼備用

5. 先將3個芒果起肉，用hand blender打成蓉

6. 再加糖水，花奶，椰漿，打成芒果汁底

7. 另外3個芒果起肉切粒

8. 將西米加入芒果汁底拌勻

9. 再加芒果粒粒及碌柚肉

10. 雪凍就食得啦!!!!

TIPS:

1. 如果西米焗後，中間仍有白色點未完全變透明，可再開火煮再焗直至所有西米變透明，但要留意水量

2. 西米一定要大滾水落，否則會痴底，同時不要蓋上蓋，會易滾瀉

3. 因代糖的份量可減半，如用冰糖就用50g，甜度適中，可按個人口味再調節

4. 超市/街市有時會將較熟較淋，多黑點既芒果平售，呢種芒果其實好適合打汁底用，因為一定甜

香煎蓮藕餅

材料: (約8件)

蓮藕   1/2斤

豬肉碎   150g

魚肉   100g

蝦米   適量

雞蛋   1隻

豬肉醃料:

醬油   1湯匙

鹽   1/2茶匙

糖   1茶匙

胡椒粉   適量

調味料:

鹽   1/2茶匙

糖   1茶匙

胡椒粉   適量

生粉   1湯匙

做法:

1. 豬肉碎預先醃20分鐘

2. 蝦米浸軟切粒

3. 蓮藕洗淨去皮，切碎粒

4. 預備1個大碗，將蓮藕粒，豬肉碎，魚肉，蝦米粒，雞蛋及調味料一同拌勻

5. 平底落鑊油預熱，將材料搓成球形下鑊，再用鑊剷輕力按揙

6. 先煎金黃一邊，再反轉煎另一邊

7. 因為豬肉要全熟，差唔多煎好時，我會灑上1-2湯匙水加蓋煮一陣

TIPS:

1. 可以配上泰式辣醬/ 豆瓣醬增添惹味

2. 蓮藕一定要人手切碎，唔可以用hand blender打碎，因為用機器打碎會出汁，影響黏力

蒜蓉牛油焗虎蝦

材料:

虎蝦   4隻

牛油   2湯匙

蒜蓉   2-3湯匙

蔥粒   少許

調味料:

海鹽      少許

黑胡椒碎  少許


做法:

1. 虎蝦解凍後，剪去觸蘇，蝦腳

2. 背部剪開，挑腸，再由背部切開一分為二

3. 灑上海鹽及黑胡椒碎調味

4. 開鑊先落1湯匙牛油，加蒜蓉用最細火慢慢爆香

5. 當蒜蓉差唔多粒粒金黃，落埋其餘牛油，溶晒熄火

6. 將蒜蓉牛油鋪在蝦肉上

7. 焗爐170C預熱，焗6-8分鐘，如果想脆身D，可多焗1-2分鐘

8. 灑上蔥花食得lu~~

TIPS:

1. 因為蒜蓉大火好易燶，但要爆透先香，所以要細火慢爆

2. 牛油分2次落，因為一早落牛油香味會走晒，最後落返D可以更香

3. 焗蝦時間因Size而定，最緊要目測佢熟就OK

浸梅酒

材料:

日本梅   500g

日本燒酎   900ml

冰糖   300g

做法:

1. 梅洗淨，要完全風乾 (否則會發霉)，用牙簽挑走頂部

2. 玻璃樽用蒸爐100C消毒，再完全風乾，不能有水氣

3. 一層梅一層冰糖層層疊好

4. 倒入燒酎

5. 用保鮮紙封蓋，再蓋好

6. 放大約半年至1年左右，越耐梅味越淳

7. 飲用時加冰/7喜仲正~

TIPS:

1. 梅酒一定要密封放在陰涼處，間唔中搖晃一下樽

香辣醬炒蟹配脆米粉底

材料:

肉蟹   1隻(約1斤)

橄欖油   100ml

薑   6片

蔥段   適量

味醂   50ml

炒辣蟹醬   1盒

雞蛋   2隻

水

劏蟹方法:

1. 最好用中式刀，千其唔好剪走條草繩!!!用毛巾包住蟹既半邊(因為仲郁緊)，用刀鋒最尾果個
角位，斜斬去蟹鉗同蟹身個位，可能要斬多幾下(小心手)，先將蟹鉗分開，另一邊同樣做法，之後可拿走草繩

2. 撕走蟹背既三角蓋掩，將蟹打直企，左手捉實4隻腳連身，右手捉住蟹蓋，用力撕開

3. 分開2邊後，用手指伸入蟹蓋眼部以下位置，清除內臟及腸;

4. 蟹身既腮亦要清除，再用刀將蟹身切開一分為二

5. 用牙刷將蟹清潔，刷乾淨;  蟹鉗用毛巾包住，用刀背大力切1-2下，等佢容易索汁，食時又方便D~


做法:

1. 先煮好米粉，掠乾水

2. 將米粉鋪平在焗盤上，均勻地噴上油

3. 放入焗爐200C焗10-15分鐘 (米粉面變乾脆)，鋪在碟上備用

4. 預備好薑片，蔥段

5. 開鑊加油至熱，先爆香薑片

6. 落蟹件(除左蟹蓋)半煎炸約1分鐘, 中途反一反(蟹身有膏既地方，可扑少少生粉，以免炸時
蟹膏散開)

7. 撈起蟹件，同一鑊加辣蟹醬煮至微滾，加入已炸過的蟹件拌勻至所有蟹件都沾上醬汁

8. 加約400ml 水及味醂，再加上蟹蓋，蓋上鑊蓋煮2分鐘

9. 試味，如果太辣可加糖調味，唔夠辣可加盒內的辣椒粉

10. 將盒佈的調配粉(我估其實係生粉)，加30ml水拌勻，再倒入鑊內

11. 灑上蔥段，將2隻雞蛋發勻，倒入鑊內，熄火

12.  將蟹及醬汁盛在米粉上，完成

日式薑汁煮豚肉

材料:

豬肉片   300g

洋蔥   1個

豬肉片醃料:

薑汁   2湯匙

鹽   1/2茶匙

味醂   2湯匙

胡椒粉   適量

調味料:

醬油   2湯匙

味醂   1湯匙

糖   1茶匙

清酒   1湯匙

薑汁   2湯匙

水   60ml


做法:

1. 洋蔥切絲備用

2. 豬肉片先醃30分鐘

3. 開鑊落油，先炒一炒豬肉片, 豬肉片鬆開轉色，即可撈起備用

4. 原鑊落油，炒香洋蔥絲，加少少水蓋上蓋煮，見洋蔥絲變軟

5. 加調味料及豬肉片

6. 煮大約5分鐘

TIPS:

1. 因為豬肉片多數買返黎係疊住左，如果唔炒一炒鬆開，煮個陣有機會疊埋唔熟，而且炒一炒香D

2. 洋蔥要煮熟透淋晒，先會甜

明太子墨魚滑釀雞翼

材料:

雞翼連翼尖   15隻

墨魚滑   150g

明太子(細Pack)   約3條

雞翼醃料:

鹽   1.5茶匙

糖   1茶匙

黑胡椒   適量

味琳   2湯匙

清酒   1湯匙


做法:

1. 雞翼拆骨，先剪走在翼尖的指甲

2. 剪開兩骨中間的白色骨，兩骨分開

3. 伸剪刀入雞翼內，剪斷粘在骨上的肉

4. 將雞肉雞皮套下，露出兩支骨

5. 用手一扭，拔走雞骨

6. 已拆骨私雞翼先用醃料醃4-6小時

7. 明太子界開薄膜，用匙刮出明太子與墨魚滑拌勻

8. 將材料釀入雞翼並以牙簽封口

9. 焗爐170C預熱，焗20分鐘, 取去牙簽，即成

天使蛋糕 (伯爵紅茶戚風蛋糕)

材料:

蛋黃   4隻(約80g)

糖   30g+75g

橄欖油   70g

低筋麵粉   130g

泡打粉   3g

蛋白   6隻(約180g)

伯爵茶葉   5g

水   150ml

紅茶粉    6g

淡忌廉   200ml

糖(淡忌廉用)   25g

水果乾   隨意


做法:

1. 先將淡忌廉加糖用電動打蛋器打起，放至雪櫃雪凍備用

2. 伯爵茶葉加水煲滾，再浸出茶味

3. 蛋黃加30g糖用電動打蛋器打至淡黃色，分數次加入橄欖油拌勻

4. 加入100ml伯爵茶拌勻

5. 將低筋麵粉，泡打粉及紅茶粉篩入蛋黃糊中拌勻

6. 預備一個乾淨冇油冇水既大碗，蛋白利用電動打蛋器打起，先打約30秒，
分數次加入75g糖繼續打，直至蛋白完全打起(倒轉也不會流後要再多打1分鐘)

7. 部分蛋白糊倒落蛋黃糊中，利用fold  in方法(由下刮向上)拌勻

8. 將STEP 7拌勻既蛋黃糊倒入蛋白糊fold  in拌勻

9. 蛋糕糊先用少少橄欖油塗抹，將蛋糕糊倒入模中，輕力”鄧”2下，以排出空氣

10. 焗爐170c預熱，焗約30分鐘

11. 出爐後倒扣待涼，如果唔加忌廉就可以享用啦!!

12. 蛋糕完全放涼後，將忌廉抹上蛋糕至平滑

13. 灑上水果乾，就可以食得啦~

TIPS:

1. 拌勻蛋白糊時要快及不可過度攪拌，否則蛋糕不能升起會失敗

2. 冇紅茶粉，可以將茶葉打碎以增加香味

3. 這個份量能做一個8”蛋糕

4. 打蛋白的碗一定不可沾水/油/蛋黃，否則不能成功

薯泥蟹柳沙律

材料:

薯仔   4-5個

青瓜   1/3條

粟米粒   5湯匙

蘋果   1/2個

蟹柳   3-4條

沙律醬/蛋黃醬   3-4湯匙

檸檬汁   2茶匙


做法:

1. 薯仔削皮，切大塊，放入滾水煮熟透，或蒸熟。蟹柳可同樣用法解凍翻熱。

2. 青瓜、蘋果去芯，切細粒。

3. 等薯仔熟透冷卻後，就可以壓成細粒或壓成蓉。呢個步驟小朋友就可以幫手，用膠刀切。

4. 薯蓉準備好之後，就可以加入青瓜粒、蘋果粒、粟米、蟹柳、檸檬汁同沙律醬一齊伴均。

檸檬蛋糕

材料: (約6-8個)

雞蛋   2隻

糖   40g

檸檬皮   2個

低筋麵粉   70g

檸檬果醬   2湯匙

牛油溶液   40g

泡打粉   1.5g


做法:

1. 洗淨檸檬，先刨檸檬皮，再與糖混合

2. 將雞蛋與糖用廚師機/電動攪拌器打起，直至麵糊變稠，滴落既麵糊不會立即消失

3. 篩入麵粉及泡打粉，用膠刮輕力拌勻

4. 最後加入檸檬果醬及牛油溶液拌勻

5. 焗爐170C預熱，將麵糊倒入模中

6. 170C焗10-12分鐘，牙簽插入冇麵糊即OK

7. 出爐脫模

TIPS:

1. 每個爐爐溫不同，可自行調節

2. 檸檬可用暖水浸一陣先洗/ 加小小梳打粉浸洗

海鮮茶碗蒸

材料: (5碗份量)

雞蛋    4隻

水/雞湯   400ml

冬菇(細size)   2粒

帶子   4粒

蟹肉   隨意

蟹籽   隨意

海膽   隨意

調味湯包   1小包


做法:

1. 冬菇預先浸軟，去蒂切簿片

2. 急凍帶子解凍備用

3. 我用日本買既調味湯包，加400ml水煮滾，
或者可以用全雞湯/雞湯+水，合共400ml就可以

4. 雞蛋發勻，加400ml熱湯拌勻(不能大滾直接加入雞蛋，會整熟，要係有點熱會辣手既湯慢慢加入)

5. 預備小碗，先放入冬菇，蟹肉及帶子

6. 利用隔篩過濾雞蛋液落小碗

7. 蓋上保鮮紙，蒸爐100C 蒸20分鐘

8. 出爐後放涼一陣，再鋪上蟹肉, 蟹籽, 海膽


TIPS:

1. 材料隨意，放魚旦片，蟹柳亦可

2. 蒸蛋岩岩出爐，中間會好似有D震騰騰咁，其實嘆凍後就會實返，就可以鋪刺身等食材

簡易楓糖蘋果撻

材料: (16cm size)

急凍酥皮   1塊

蘋果   1/2個

牛油   10g

糖   1茶匙

楓糖漿   2湯匙

雪糕球   1個


做法:

1. 焗爐預熱200度。

2. 酥皮解凍後，用焗盤或煲蓋幫忙，整成大約16-20cm直經既圓型。

3. 用手指圍著酥皮摺成花邊，用叉輕輕隨意地插酥皮，防止升起備用。

4. 蘋果去芯，切成薄片，將蘋果片扇型散開，平鋪都酥皮上。

5. 灑上糖，牛油分開4-5小粒，平均放左蘋果片上，放入焗爐焗15分鐘，至酥皮焗至焦糖色。

6. 出爐後，放涼約5分鐘，就可以配上雪糕和楓糖漿一起品嘗。

榨菜銀魚仔蒸肉片

材料:

豬肉   300g (半斤）

銀魚仔   適量

榨菜   1小包 (50g)

醃料:

鹽   1茶匙

糖   2茶匙

麻油   1茶匙

胡椒粉   少許

生粉   1茶匙


做法:

1. 榨菜打開包裝，用水輕微沖洗一下，備用。

2. 銀魚仔沖洗後，用水浸軟。約10分鐘把水隔去，備用。

3. 豬肉切片，加入醃料撈均，再加入榨菜一齊醃15分鐘。(醃過夜也可以)

4. 準備一隻圓碟，先鋪上銀魚仔，再鋪上豬肉榨菜，大火蒸約10-12分鐘至全熟。

陳皮川貝燉原個雪梨

材料:

雪梨   1個

陳皮   1小塊

川貝粉   1茶匙

冰糖   少許


做法:

1. 陳皮熱水浸軟，刮囊

2. 雪梨洗淨削皮，切走頂部，留返備用

3. 利用尖刀，切去中間芯部，但不要刺穿底

4. 將陳皮，冰糖及川貝粉放係雪梨入面

5. 用雪梨預蓋住，利用牙簽拮穩

6. 放入蒸爐100C，蒸90分鐘

TIPS:

1. 陳皮可以止咳化痰，但要用返D有幾十年以上既陳皮才有效(媽媽教既)

2. 唔需要落水，食時拌勻所有材料即可，冰糖可以整碎落會更加易溶

3. 只可用雪梨/鴨咀梨

花膠螺頭烏雞湯

材料: (約8碗份量)

烏雞   1隻

急凍螺頭   3粒

花膠筒   6隻

瘦肉   150g

紅蘿蔔   1個

蓮子   20g

淮山   30g

肇實   20g

果皮   1塊

水   10-11碗

鹽   適量


做法:

1. 花膠預早發起備用

2. 淮山、蓮子、肇實洗淨，浸20分鐘

3. 急凍螺頭解凍後，劏好出水

4. 烏雞切頭去尾洗淨後連瘦肉出水

5. 螺頭、烏雞、瘦肉出水後沖水洗去表面髒物，

6. 紅蘿蔔批皮切件

7. 果皮暖水浸軟，刮囊

8. 所有材料(除花膠外) 隨水落大火煲滾後，中細火煲90分鐘

9. 90分鐘後落花膠，再中火煲45分鐘

10. 煲起後最好焗一陣先再飲會味道更好

11. 落鹽調味飲得lu~~

TIPS:

1. 花膠太早落會令膠質流失，湯變杰，所以最後45分鐘落就差唔多

2. 唔用急凍螺頭，可以用乾螺頭，但要早1晚預先浸軟

3. 大舊瘦肉，我會切開一片片但唔斷尾，容易出味

蜜糖芥末籽雞胸 - Sous Vide

材料:

雞胸   1件約200-300g

蜜糖芥末籽   2-3湯匙

鹽   適量

黑胡椒碎   適量

百里香   3枝

配料:

BB沙律菜

黑醋醬


做法:

1. 雞胸解凍，沖水後，索乾水

2. 將蜜糖芥末籽、鹽及黑胡椒碎塗抹在雞胸上

3. 放上百里香，用真空機密封雞胸並放入雪櫃醃1小時

4. 慢煮器調較時間及溫度

5. 放入雞胸，並用夾夾實，慢煮62.5度30-40分鐘

6. 完成後，取出雞胸，取走蜜糖芥末籽及百里香

7. 將雞胸放上已加牛油預熱的平底鑊上

8. 每面略煎30-45秒，令雞胸更香

9. 放上BB沙律菜上，蘸黑醋醬即可

蘑菇菠菜焗蛋 - Jamie菜式

材料:

雞蛋   4-5隻

菠菜   200-250g

蘑菇   適量

洋蔥   1/2個

車里茄   適量

Feta Cheese   30-50g

調味料:

鹽   1/2茶匙

糖   1/2茶匙


做法:

1. 先將洋蔥切絲、蘑菇切片、菠菜洗好、車里茄切開2半、焗爐預熱180c。

2. 落1 湯匙油，用中小火炒軟洋蔥絲，再加入蘑菇片一起炒 1-2分鐘。

3.分批加入菠菜拌炒，加入鹽、糖調味。

4.倒入打發好既雞蛋，鋪上車里茄同菲達芝士，就可以放入焗爐10-15分鐘。

5. 完成之後，先放涼5-10分鐘，待焗蛋收縮一點，
質感結實就可以取出上碟。

https://sisterkitchenpalace.blogspot.hk/2016/11/apollo-ngf.html

葡汁焗雙蔬

材料:

西蘭花   1個

椰菜花   1個

椰漿   300ML

咖哩粉   1-1.5湯匙

黃薑粉   半湯匙

鹽   1茶匙

糖   1茶匙

生粉水   1份

芝士   適量


做法:

1. 先準備葡汁:
椰漿倒入小煲，加入咖哩粉及黃薑粉攪拌煮成葡汁，中小火煮至微滾，加入鹽糖，試味之後，加生粉水，關火備用。

2. 西蘭花及椰菜花沖水，並切成小塊，滾水中加鹽同糖，灼大約3-4分鐘至半熟。

3. 將西蘭花及椰菜花在焗盤排好

4. 加入葡汁，灑上芝士，放入焗爐焗10-15分鐘就完成。

櫻花蝦冬菇雞肉飯

材料:

日本壽司米   4 杯

雞扒   3塊

冬菇   8-10粒

臘腸   2條

蟲草花   適量

日式小魚乾   適量

配料:

蔥花

脆花生

櫻花蝦

煲仔飯豉油


做法:

1. 雞扒切細塊或薄片，用少許鹽糖醃15分鐘。

2. 壽司米依照正常電飯煲煮法加多3-4湯匙水準備好，
   加入切片臘腸同浸軟切片冬菇，加入半茶匙糖，按飯煲制開始.

3. 到電飯煲有微蒸氣既時候，鋪上雞肉、蟲草花同日式小魚乾，繼續煮。

4. 到電飯煲跳制煮好後，打開蓋，加入一湯匙麻油，將飯和料拌勻，再焗5-10分鐘。

5. 盛飯之後，加上灑上蔥花、脆花生和櫻花蝦，配上煲仔飯豉油就食得！

花雕蝦

材料:

蝦   10-13隻

調味料:

花雕   1/4杯

魚露   適量

糖   適量

麻油   適量


做法:

1. 先洗淨蝦，剪掉蝦鬚、蝦角、蝦腳，用生粉塗抹蝦身

2. 花雕蝦下油落鑊，煮至金黃，把調味汁倒進鑊裏，煮至乾身

辣味豬仔骨

材料:

豬仔骨(Baby Pork Rib)或豬助骨   1條 ( 800g)

調味料:

韓國辣味豬肉醬   6湯匙

黃糖   1/2 湯匙

意大利陳醋   2湯匙

橄欖油   3湯匙

茄汁   4湯匙

鹽   1/2茶匙

紅酒   2湯匙

Rosemary   1.5湯匙


做法:

1. 豬仔骨室溫解凍, 洗淨, 用廚房紙抹乾水份

2. 混和所有調味料

3. 豬仔骨以醃料醃最少4小時

4. 預熱焗爐 250 度, 留起 1/5醃汁, 豬仔骨連汁入焗爐160度焗1小時

5. 反轉, 搽上剩下的醃汁, 再焗1小時

TIPS:

1. 豬仔骨先焗底部, 再焗面層會比較好

香草牛油烤雞

材料:

急凍雞   1隻

小番茄   8-10粒

薯仔   1個

檸檬   1個

調味:

牛油   6片

新鮮迷迭香   5條

橄欖油   適量

海鹽   適量

黑胡椒  適量

什香草   適量

蜜糖   2茶匙


做法:

1. 雞解凍, 洗淨, 用廚房紙抹乾水份，下海鹽, 黑椒碎及什香草搽勻雞的表皮及腹腔醃2-3小時

2. 薯仔洗淨切片, 待用

3. 用叉或針在檸檬上刺數下

4. 將檸檬, 迷迭香4條及1片牛油放入雞腔內, 用牙籤封口

5. 將4片牛油小心地放入雞皮與雞肉中間（雞胸兩面及雞背兩面各1片）

6. 用煮食綿繩將雞縛好

7. 燒紅鑊, 中火, 下橄欖油, 牛油, 將薯仔略煎兩面, 每面灑上少許海鹽, 黑椒碎及什香草調味, 待用

8. 預熱焗爐薯仔放下雞胸向上, 放入餘下迷迭香, 以180度每邊焗50分鐘

9. 以牙籤刺雞脾最厚部位, 測試有沒有血水, 最後塗上蜜糖及放入小番茄, 多焗10分鐘（如出血水可多焗10分鐘）

10. 熄爐用焗爐餘溫待10分鐘即成

TIPS:

1. 縛雞方法, 以煮食用綿繩對稱地圍著雞頭頸轉一圈, 繩壓著雞中翼, 由雞脾下方穿過, 交叉放好雞腿, 打圈, 縛好, 打死結, 剪去多餘的繩（這方法我是參考鬼嫁料理手帳的）

2. 底部可放紅, 黃甜椒或洋蔥均可（同樣以中火略煎）

芝士焗釀大啡菇

材料:

大啡菇   4個

洋蔥   1/4個

蒜蓉   1湯匙

麵包糠   4湯匙

小啡菇   6粒

煙肉   2片

碎Mozzarella Cheese   適量

海鹽   少許

黑胡椒   少許

蕃茜   少許(裝飾用)


做法:

1. 大, 小啡菇去蒂, 用濕布抺淨內外, 小啡菇切片

2. 煙肉及洋蔥切粒

3. 預熱焗爐200度

4. 燒紅鑊加適量橄欖油, 牛油, 中小火,放入大啡菇, 菇面向上, 煎約3分鐘, 反轉灑上海鹽及黑胡椒, 煎約3分鐘, 盛起

5. 另一邊鑊加適量橄欖油, 牛油, 中小火, 加入洋蔥, 煙肉, 小啡菇和蒜蓉炒香約 5分鐘

6. 拌入麵包糠和芝士, 釀入大啡菇, 上面灑上Mozzarella Cheese

7. 放入已預熱的焗爐焗5分鐘, 放上蕃茜裝飾即成

TIPS:

1. 小啡菇可用蘑菇代替

2. 素食者可不加煙肉

香煎蟹餅

材料: (4個份量)

蟹肉罐頭   200 g

麵包糠   1杯

雞蛋   1隻

蛋黃醬   2湯匙

蕃茜   1湯匙

紅甜椒   2湯匙

英式芥末   1茶匙

鹽   1/2茶匙

黑胡椒   1/4茶匙

牛油   1湯匙

橄欖油   1湯匙

芥末蛋黃醬:

蜜糖芥末醬   1湯匙

BB蛋黃醬   2湯匙


做法:

1. 蟹肉解凍, 用廚房紙吸乾水份

2. 蕃茜, 紅甜椒切碎

3. 將所有材料混合, 拌勻

4. 分成4個小圓球, 用保鮮紙包好, 放入冰箱2-3小時

5. 蟹餅拿出, 除去保鮮紙, 己定形, 兩面抹上少許生粉

6. 燒紅鑊加適量橄欖油, 牛油, 放入蟹餅, 用小火煎3分鐘, 用鑊鏟輕壓圓球成餅狀, 再煎3分鐘, 反轉, 每邊煎約10分鐘, 即成

7. 將蜜糖芥末醬及BB蛋黃醬拌勻即可

TIPS:

1. 混合所有材料後, 如太多水份, 可逐少加入麵包糠

西蘭花忌廉濃湯

材料:

西蘭花   2個

洋蔥   1/2個

薯仔   1個

蒜蓉   1湯匙

雞湯   250ml

淡忌廉   適量

黑胡椒   適量

鹽   適量

巴馬臣芝士   少許(刨碎)


材料:

1. 薯仔去皮切粒, 西蘭花及洋蔥切粒

2. 燒紅鑊加入適量橄欖油, 牛油, 加入洋蔥炒至半透明, 加入蒜蓉, 薯仔粒炒香

3. 倒入雞湯及水剛浸過材料, 煮滾, 慢火煮20分鐘, 煮軟薯仔

4.  放入西蘭花, 加水慢火煮10分鐘

5. 用攪拌捧或倒入攪拌機, 打至完全溶化

6. 加入淡忌廉以慢火煮滾, 加少許鹽及黑胡椒調味

7. 盛起, 灑上芝士碎, 即成

TIPS:

1. 西蘭花的花蕾密集, 內裏分分鐘充滿菜蟲, 可先用清水清洗, 用1茶匙鹽加水浸泡半小時, 其中的螆蟲便會浮出來, 再放在水龍頭下沖洗乾淨即可

西式南瓜湯

材料:

南瓜   半個(約斤半, 去皮去囊切粒)

洋蔥   半個(切粒)

淡忌廉   100ml

雞湯   250ml

牛油   少許


做法:

1. 燒紅鑊加入適量橄欖油, 牛油, 加入洋蔥炒至半透明

2. 加入南瓜炒勻

3. 倒入雞湯及水剛好浸過南瓜

4. 轉小火煲30分鐘, 熄火, 不要打開煲蓋焗30分鐘

5. 用攪拌捧或倒入攪拌機中速，打至完全溶化約3mins

6. 加入淡忌廉以慢火煮滾（可留起少量淡忌廉作裝飾用, 加少許鹽及黑胡椒調味）

7. 將南瓜湯倒進碗中, 在湯面加上淡忌廉裝飾, 即成

TIPS:

1. 南瓜的皮很硬, 不好切, 可先用刀從蒂旁的地方切進去, 然後沿著一直繞過一圈, 再用刀用力往下壓切即可

2. 南瓜可以用日本及中國品種, 今次我用了本地南瓜, 味甜, 帶榛子香, 是不錯的選擇

芥末籽蜜糖汁

材料:

芥末籽醬   2湯匙

蜜糖   2湯匙

淡忌廉   1茶匙

檸檬汁   1茶匙

白酒   1茶匙

海鹽   少許

黑胡椒   少許


做法:

1. 將以上材料拌匀即成

鮮番茄濃醬

材料:

番茄   3個(去皮切粒)

茄膏   2湯匙

去皮罐裝番茄   1罐

洋蔥   1個(切粒)

蒜頭   1粒(切片)

黃糖   適量

甜椒粉   2茶匙

海鹽   少許

黑胡椒   少許

牛油   少許


做法:

1. 燒紅煲加入適量橄欖油及牛油，將洋蔥炒至半透明，加入蒜片 、番茄及罐頭番茄炒香，大火煮約10分鐘，熄火；不要打開煲蓋焗30分鐘；加入黃糖及甜椒粉。(可按個人口味加入番茄醬及黃糖調較)

2. 用攪拌捧或倒入攪拌機中速，打至完全溶化，灑上黑胡椒及海鹽調味，即成。

慢煮西班牙黑毛豬鞍扒配蘋果蓉 - Sous Vide

材料:

西班牙黑毛豬鞍扒   2件(1吋厚)

檸檬香草鹽   2茶匙(可用海鹽 + 迷迭香代替)

黑胡椒   適量

蘋果   1個

檸檬汁   1茶匙

檸檬皮   少許

蜜糖   1-2茶匙

蘋果醋   1-2茶匙

白酒   適量


做法:

1. 豬鞍解凍、洗淨，用廚房紙吸乾水份，每邊灑上檸檬香草鹽及黑胡椒, 之後用62C慢煮1.5小時。

2. 蘋果去皮， 切碎。(注: 留少許連皮切粒作裝飾用途)

3. 燒紅平底鑊，中大火，下橄欖油及牛油，放上豬鞍扒每邊煎約30 - 45秒，灑上白酒，熄火；用錫紙封面，約3分鐘，盛起，上碟。

4. 用小煲將蘋果碎、檸檬汁及檸檬皮，慢火煮約2分鐘，用匙壓將蘋果成蓉(可用攪拌捧打蓉)，熄火；灑上白酒1茶匙、蜜糖及蘋果醋調味，即成。

香脆蝦乾蠔油撈麵

材料:

蝦乾   3-4隻

蔥   少量(切碎)

蝦子麵   1隻 

蠔油   適量

XO醬   適量

做法:

1. 先將蝦乾以180度焗3-4分鐘 之後切碎

2. 蝦子麵用滾水煮好, 上碟

3. 跟據自己口味, 在面上加上蠔油, XO醬, 蔥之後, 灑上蝦乾碎, 即成

上海蔥油拌麵&自製蔥油醬

材料:

青蔥一把   約200g

葵花油   400ml

醬油   350ml

糖   40g


做法:

1. 蔥洗淨,徹底瀝乾水再風乾後切小段狀,蔥白蔥綠分開備用。(蔥務必要乾燥再使用,以免入鍋後產生油爆。)

2. 油入鍋~冷油狀態先下蔥白部分小火慢炸,至蔥白炸透呈微黃褐色後撈出備用。

3. 再接著原鍋放入蔥綠部分,小火慢炸並不時地攪拌一下,讓蔥綠受熱平均~炸至微焦黃色後再放入先前撈出的蔥白再一起炸片刻即可。(炸蔥段的過程約需20~25分鐘)

4. 蔥油完成後再加入醬油和糖於蔥油中..

5. 煮至起泡滾沸後即可熄火, 待放涼後再倒入乾淨乾燥的可密封容器中→冷藏。

6. 【煮麵】上海蔥油拌麵通常搭配細拉麵或雞蛋麵那種細麵條,而且麵條熟度不宜太過軟爛,約9分熟即可口感較好~ 但以上僅供參考,可以自家有的麵條方便使用就好。

7. 【麵~1人份】在碗底先舀入約1.5~2大匙拌勻的蔥油醬,再加入煮熟麵條趁熱拌均勻,最後再放上些許蔥油醬裡的蔥一起吃更美味唷!

8. 道地的上海蔥油醬會使用生抽(醬油)+少許的老抽。老抽含有焦糖色素是上色用的,加入後醬的顏色會較深,不加老抽全用一般的純釀醬油也可以。另外蔥油和醬油醬汁部分亦可分開製作各別裝罐, 醬油和糖可以再加適量水煮過成甜醬油再裝罐保存,拌麵時分別加入蔥油&甜醬油即可。

9. 油和醬油比重不同,靜置後會分離為兩層的狀態,這是自然現象,要攪拌均勻後再取用,。舀取蔥油醬時請務必使用乾淨乾燥的湯匙以免油醬變質。

10. 《油/醬油混合一起煮的蔥油醬》~ ✮油,醬油比例 1:1亦可,醬油份量過少則不宜,可自行調整。若少量製作,此食譜配方比例可減半。 .

TIPS:

製作上海蔥油醬用油以味道清淡的油為佳以免搶味,例如:菜籽油,葵花油,芥花油,葡萄籽油皆適合。

台式滷肉飯

材料:

豬腩肉   450g

豬肉碎   450g

生抽   100ml

壺底油   100ml

米酒   100ml

水   約300-400ml

老抽   1湯匙

炸紅蔥頭   1碗

五香粉   2-3茶匙

冰糖   25g

片糖   25g

八角   1粒

烚蛋   數隻


做法:

1. 豬腩肉切成細粒，大約一粒白果的大小。

2. 先用中大火將腩肉粒煎香至半熟，上碟備用。

3. 同樣地將豬肉碎煎至半熟，加入腩肉粒，轉中小火。

4. 加入所有調味料，炒勻，最後再水量至蓋過所有豬肉，加蓋中小火煮15分鐘。

5. 15分鐘後試味，有需要可作適當調整，加入烚蛋，加蓋再煮30分鐘即成。

6. 滷肉配上白飯、粉麵或淋上烚菜上都非常好食！

TIPS:

壺底油是台灣既醬油一種，佢既味道比較甘甜、厚身，有點似蠔油，直接撈麵或配油菜好夾。